116               TESTAMENTS ENREGISTRÉS AU PARLEMENT DE PARIS            (356)
Et vuelt que ses serviteurs soient bien paiez de leurs services, et par especial il vuelt et ordene que Jehan Pellaumaille ait cinquante livres Tournois, et que deux codicilles que le testateur a en intencion de faire soient acompliz et tout le contenu d'iceulx, lesquelx il confermé par cest present testament.
Item, il donne et laisse à Nicolas Boschet, son nepveu, six gratis hanaps d'argent, pesans dix huit marcs, dorez.
Item, il donne et laisse aux enfans du dit Nicolas six autres hanaps, pesans douze marcs, et une pille de gobeletz avec la chopine, pesans dix marcs d'argent, le tout doré, avée douze cuillers d'argent.
Item, à chascune des trois filles de feu Jehan Boschet, son frere, quatre tasses d'argent, chascune d'un marc.
Item, à Pierre Grossin, quatre tasses d'argent, et à Jehan Rousseau quatre tasses, chascune tasse d'un marc, comme dessus.
Item, le dit testateur voult et ordonne que le dit Nicolas Boschet ait par maniere de don, ou de laiz ou légat, la tierce partie de son heri­tage, et par semblable maniere, vuelt et ordonne que le filz ainsné du dit Nicolas ait, et lui donne comme son conquest, le chastel de Puy Ogier et toutes appartenances d'icellui, en quelque lieu qu'elles soient assises, et Toste! et appartenances du Boschet, et avecques ce, la ville et appartenances de Saincte Gemme, avec la haulte justice, moyenne et basse, et toutes les appartenances et appendances d'icelle; et au second filz du dit Nicolas donna et laissa son hostel de Saint Cire, comme son conquest, avec ses appai'tenances et appendances, par ainsi qu'il sera tenu et chargié de paier pour une foiz la somme de cent frans d'or aux heritiers de feu dame Agasse Benastonne, lesquelz seront prins dedens trois mois prouchain ensuivant après le trespassement du dit testateur, sur paine de cinq solz pour chascun jour qu'il faudra de paier les diz cent frans après les diz trois mois, en recompensacion des droiz qu'elle povoit avoir ou dit lieu, oultre ce que ses diz heritiere ont eu. Et oultre donne et laisse le dit testateur aux autres enfans masles du dit Nicolas tout le surplus de ses diz conquestz à partir entre eulx egalement, et charge le dit Nicolas, leur pere, de faire les dictes